ಏಲಿಯನ್ಸ್ ವಾಸಿಸುವ ಗ್ರಹವನ್ನು ಕಂಡುಹಿಡಿದಿರುವುದಾಗಿ ವಿಜ್ಞಾನಿಗಳ ದಾವೆ!

(ಏಲಿಯನ್ಸ್ ಎಂದರೆ ಇತರ ಗ್ರಹದಲ್ಲಿರುವ ಜೀವಿ ಅಥವಾ ಪ್ರಾಣಿ)

ಲಂಡನ್ – ಭೂಮಿಯ ಮೇಲೆ ಹೇಗೆ ಜೀವಿಗಳ ಸೃಷ್ಟಿ ಇದೆಯೋ ಅದೇ ರೀತಿ ಇತರ ಗ್ರಹಗಳಲ್ಲೂ ಜೀವಿಗಳ ಸೃಷ್ಟಿ ಇದ್ದು ಅಲ್ಲಿ ಏಲಿಯೆನ್ಸ್ (ಅನ್ಯಗ್ರಹ ಜೀವಿಗಳು) ವಾಸಿಸುತ್ತಿವೆ ಎಂದು ಅನೇಕ ಸಲ ವಿಜ್ಞಾನಿಗಳು ಹೇಳಿದ್ದಾರೆ. ಈ ಹಿನ್ನೆಲೆಯಲ್ಲಿ ಏಲಿಯನ್ಸ್ ಯಾವ ಗ್ರಹದಲ್ಲಿ ವಾಸಿಸುತ್ತಿದೆ, ಇದನ್ನು ಕಂಡು ಹಿಡಿಯುವಲ್ಲಿ ವಿಜ್ಞಾನಿಗಳಿಗೆ ದೊಡ್ಡ ಯಶಸ್ಸು ಸಿಕ್ಕಿದೆ. ಬ್ರಿಟಿಷ್ ವಿಜ್ಞಾನಿಗಳು ‘ಕೆ2-18 ಬಿ’ ಹೆಸರಿನ ಗ್ರಹವನ್ನು ಕಂಡುಹಿಡಿದಿದ್ದಾರೆ. ಈ ಗ್ರಹದಲ್ಲಿ ಜೀವಿಗಳಿವೆ ಎಂಬುದಕ್ಕೆ ಹಲವು ಸೂಚನೆಗಳು ಸಿಕ್ಕಿವೆ, ಎಂದು ವಿಜ್ಞಾನಿಗಳು ಹೇಳಿದ್ದಾರೆ. ವಿಜ್ಞಾನಿಗಳು ನೀಡಿದ ಮಾಹಿತಿಯ ಆಧಾರದ ಮೇಲೆ ಬ್ರಿಟಿಷ್ ಸುದ್ದಿಪತ್ರಿಕೆ ‘ದಿ ಸನ್’ ಈ ಮಾಹಿತಿಯನ್ನು ನೀಡಿದೆ. ವಿಜ್ಞಾನಿಗಳ ಪ್ರಕಾರ, ಈ ಗ್ರಹವು ಭೂಮಿಯಿಂದ 120 ಬೆಳಕಿನ ವರ್ಷಗಳ ದೂರದಲ್ಲಿದೆ ಮತ್ತು ಭೂಮಿಗಿಂತ ಎರಡೂವರೆ ಪಟ್ಟು ದೊಡ್ಡದಾಗಿದೆ. ಈ ಗ್ರಹವನ್ನು ಅಧ್ಯಯನ ಮಾಡುವ ವಿಜ್ಞಾನಿಗಳ ನೇತೃತ್ವವನ್ನು ಭಾರತೀಯ ಮೂಲದ ಬ್ರಿಟಿಷ್ ವಿಜ್ಞಾನಿ ಪ್ರೊ. ಡಾ. ನಿಕ್ಕು ಮಧುಸೂದನ್ ಮಾಡುತ್ತಿದ್ದಾರೆ. “ಈ ಗ್ರಹವು ಸಾಗರಗಳಿಂದ ಆವೃತವಾಗಿರುವ ಸಾಧ್ಯತೆಯಿದೆ” ಎಂದು ಡಾ. ಮಧುಸೂದನ್ ಹೇಳಿದ್ದಾರೆ.