‘ಸಂತರು ಮನೆಗೆ ಬಂದರೆ ಅದುವೇ ದೀಪಾವಳಿ-ದಸರಾ’ ಎಂಬ ದಿವ್ಯ ಅನುಭೂತಿ ನೀಡುವ ದಕ್ಷಿಣ ಕನ್ನಡ ಜಿಲ್ಲೆಯ ಮೂರು ಸಂತರ ಸನ್ಮಾನದ ಅಭೂತಪೂರ್ವಕ್ಷಣ !

ಗುರುಕೃಪಾಯೋಗಾನುಸಾರ ಸಾಧನೆಯನ್ನು ಮಾಡಿ ಅಂದರೆ ನಾಮ, ಸತ್ಸಂಗ, ಸೇವೆ, ತ್ಯಾಗ, ಪ್ರೀತಿ, ಸ್ವಭಾವದೋಷ ನಿರ್ಮೂಲನೆ, ಅಹಂ ನಿರ್ಮೂಲನೆ ಹಾಗೂ ಭಾವಜಾಗೃತಿಯ ಪ್ರಯತ್ನಗಳನ್ನು ಮಾಡಿ ಸನಾತನದ ೧೨೮ ಸಾಧಕರು ಈಗಾಗಲೇ ಸಂತ ಪದವಿಯನ್ನು ತಲುಪಿದ್ದು ಸಾವಿರಾರು ಸಾಧಕರು ಸಂತ ಪದವಿಯತ್ತ ಮಾರ್ಗಕ್ರಮಣ ಮಾಡುತ್ತಿದ್ದಾರೆ. ಅವರೆಲ್ಲರೂ ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆಯವರು ಹೇಳಿದಂತಹ ಅಷ್ಟಾಂಗ ಸಾಧನೆಯನ್ನು ಮನಃಪೂರ್ವಕವಾಗಿ ಮಾಡಿ ಈ ಹಂತವನ್ನು ತಲುಪಿದ್ದಾರೆ. ಸಾಧಕರು ಸಾಧನೆಯಲ್ಲಿ ಮಾಡಿದ ಪ್ರಗತಿಯಿಂದ ಗುರುಗಳಿಗೆ ಹೆಚ್ಚು ಆನಂದವಾಗುತ್ತದೆ. ಅವರು ಸಾಧಕರ ಪ್ರಗತಿಯ ಬಗ್ಗೆ ನೀಡಿದ ಸಂದೇಶದಿಂದ ಅದೇ ಆನಂದವು ಗಮನಕ್ಕೆ ಬರುತ್ತದೆ. ಕರ್ನಾಟಕದ ಮೂರು ಮಂದಿ ಸಂತರ ಬಗ್ಗೆ ಗುರುಗಳ ಸಂದೇಶವನ್ನು ಇಲ್ಲಿ ಕೊಡಲಾಗಿದೆ.

‘ಸೇವೆಯ ತೀವ್ರ ತಳಮಳ ಮತ್ತು ಭಾವಸ್ಥಿತಿಯ ಸಾಕಾರಮೂರ್ತಿಯ ಉದಾಹರಣೆಯಾಗಿರುವ’ ಪುತ್ತೂರು (ದಕ್ಷಿಣ ಕನ್ನಡ ಜಿಲ್ಲೆ) ಇಲ್ಲಿನ ಪೂಜ್ಯ ಶ್ರೀ. ಸಾಂತಪ್ಪ ಗೌಡ (ವಯಸ್ಸು ೮೧ ವರ್ಷ)

‘ಕಳೆದ ೨೩ ವರ್ಷಗಳಿಂದ, ಅಂದರೆ ೨೦೦೧ ನೇ ವರ್ಷದಿಂದ ಶ್ರೀ. ಸಾಂತಪ್ಪ ಗೌಡ (ಮಾಮ) ಇವರು ಸನಾತನ ಸಂಸ್ಥೆಯ ಮಾಧ್ಯಮದಿಂದ ಸಾಧನೆ ಮಾಡುತ್ತಿದ್ದಾರೆ. ಅವರ ವೈಶಿಷ್ಟ್ಯವೆಂದರೆ ಅವರು ಈ ವಯಸ್ಸಿನಲ್ಲಿಯೂ ಪ್ರಸಾರಸೇವೆಗಾಗಿ ಪ್ರತಿದಿನ ಹೊರಗೆ ಹೋಗುತ್ತಾರೆ. ‘ಸೇವೆ’ಯೆಂಬುದು ಸಾಂತಪ್ಪಮಾಮನವರ ಉಸಿರಾದಂತಿದೆ. ಅವರಿಗೆ ಯಾವುದಾದರೂ ದಿನ ಸೇವೆ ಮಾಡಲು ಆಗದಿದ್ದರೆ ಅವರು ಒಳಗಿನಿಂದ ಅಸ್ವಸ್ಥರಾಗುತ್ತಾರೆ. ‘ಸೇವೆಯ ತೀವ್ರ ತಳಮಳ’ ಮತ್ತು ‘ದೇವರ ಮೇಲಿನ ಶ್ರದ್ಧೆ’ ಇವುಗಳಿಂದಾಗಿ ಎಷ್ಟೇ ಕಠಿಣ ಪರಿಸ್ಥಿತಿ ಇದ್ದರೂ ಅವರ ಸೇವೆಯಲ್ಲಿ ಎಂದಿಗೂ ವ್ಯತ್ಯಯವಾಗುವುದಿಲ್ಲ. ಸಾಂತಪ್ಪಮಾಮನವರಲ್ಲಿ ತುಂಬ ಪ್ರೇಮಭಾವವಿದೆ. ಅವರ ವಾಣಿಯಲ್ಲಿ ಚೈತನ್ಯವಿರುವುದರಿಂದ ಅವರು ಯಾರಿಗೆ ಸಾಧನೆಯ ವಿಷಯ ಹೇಳುತ್ತಾರೋ ಅವರೆಲ್ಲರೂ ಸಾಧನೆ ಮಾಡತೊಡಗುತ್ತಾರೆ. ಮಾಮನವರಿಂದಾಗಿ ಸಾಧಕರ ಸಾಧನೆಯ ಪ್ರಯತ್ನ ಹೆಚ್ಚಾಗಿದೆ. ಕೇವಲ ಸಾಧಕರಷ್ಟೇ ಅಲ್ಲದೇ ಸಮಾಜದಲ್ಲಿಯೂ ಮಾಮಾರವರ ಬಗ್ಗೆ ಗೌರವಭಾವವಿದೆ. ಸಮಾಜದ ವ್ಯಕ್ತಿಗಳೂ ಮಾಮ ಹೇಳಿದ್ದನ್ನು ಕೇಳುತ್ತಾರೆ ಮತ್ತು ಅವರಿಗೆ ಮಾಮನವರ ಬಗ್ಗೆ ಆಧಾರವೂ ಅನಿಸುತ್ತದೆ. ಸನಾತನ ಸಂಸ್ಥೆಯ ಪರಿಚಯವಾದಾಗಿನಿಂದ ‘ಸನಾತನ’ವೇ ನಮ್ಮ ಕುಟುಂಬವಾಗಿದ್ದು ಈಗ ನನಗೆ ದೊಡ್ಡ ಕುಟುಂಬ ಸಿಕ್ಕಿದೆ’, ಎಂದೆನಿಸಿ ಮಾಮನವರಿಗೆ ಭಾವಜಾಗೃತಿಯಾಗುತ್ತದೆ, ಸಾಂತಪ್ಪಮಾಮ ಇವರು ಭಾವಸ್ಥಿತಿಯ ಸಾಕಾರಮೂರ್ತಿಯ ಉದಾಹರಣೆಯಾಗಿದ್ದಾರೆ. ಭಾವದಿಂದಾಗಿ ಅವರಿಗೆ ‘ಈಶ್ವರನು ಸತತ ಜೊತೆಗಿದ್ದಾನೆ’ ಹಾಗೂ ‘ತನ್ನ ಸುತ್ತಲೂ ದೇವರ ರಕ್ಷಣಾಕವಚವಿದೆ’, ಎಂಬಂತಹ ಅನುಭೂತಿ ಬರುತ್ತದೆ. ೨೦೧೫ ನೇ ವರ್ಷದಲ್ಲಿ ಮಾಮನವರು ಶೇ. ೬೧ ರಷ್ಟು ಆಧ್ಯಾತ್ಮಿಕ ಮಟ್ಟ ತಲುಪಿದ್ದರು, ‘ಸಾಧನೆಯ ತಳಮಳ, ಸತತ ಸೇವಾನಿರತರಾಗಿರುವುದು, ದೇವರ ಮೇಲಿನ ಶ್ರದ್ಧೆ ಮತ್ತು ಭಾವ’ ಈ ಗುಣಗಳಿಂದಾಗಿ ಅವರ ಆಧ್ಯಾತ್ಮಿಕ ಉನ್ನತಿ ಶೀಘ್ರ ಗತಿಯಲ್ಲಿ ಆಗುತ್ತಿದೆ. ೨೦೨೪ ರ ಗುರುಪೂರ್ಣಿಮೆಯಲ್ಲಿ ಅವರ ಆಧ್ಯಾತ್ಮಿಕ ಮಟ್ಟ ಶೇ. ೬೯ ರಷ್ಟಿತ್ತು. ಇಂದಿನ ಶುಭದಿನದಂದು ಶೇ. ೭೧ ರಷ್ಟು ಆಧ್ಯಾತ್ಮಿಕ ಮಟ್ಟ ತಲುಪಿ ‘ಸಮಷ್ಟಿ ಸಂತ’ರೆಂದು ಸನಾತನದ ೧೨೯ ನೇ ಸಂತಪದವಿಯಲ್ಲಿ ವಿರಾಜಮಾನರಾಗಿದ್ದಾರೆ. ‘ಪೂ. ಸಾಂತಪ್ಪ ಗೌಡ ಇವರ ಮುಂದಿನ ಆಧ್ಯಾತ್ಮಿಕ ಉನ್ನತಿಯೂ ಶೀಘ್ರ ಗತಿಯಲ್ಲಿ ಆಗುವುದು’, ಎಂದು ನನಗೆ ಖಾತ್ರಿ ಇದೆ.’

– ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆ (೮.೧೧.೨೦೨೪)

‘ಅಧ್ಯಾತ್ಮಪ್ರಸಾರದ ತಳಮಳ ಮತ್ತು ಈಶ್ವರನ ಬಗ್ಗೆ ಸಮರ್ಪಿತ ಭಾವ’ವಿರುವ ಉಜಿರೆ (ದಕ್ಷಿಣ ಕನ್ನಡ ಜಿಲ್ಲೆ) ಇಲ್ಲಿನ ಪೂಜ್ಯ ಶ್ರೀಮತಿ ಕಮಲಮ್ಮ (ವಯಸ್ಸು ೮೧ ವರ್ಷ)

‘ಶ್ರೀಮತಿ ಕಮಲಮ್ಮ ಇವರ ಆರಂಭಿಕ ಜೀವನ ತುಂಬ ಕಷ್ಟದಿಂದ ಕೂಡಿತ್ತು. ಅವರು ಬೇರೆ ಬೇರೆ ಕೆಲಸಗಳನ್ನು ಮಾಡಿ ಪ್ರಾಪಂಚಿಕ ಕರ್ತವ್ಯಗಳನ್ನು ಪೂರ್ಣ ಮಾಡಿದರು. ಕಳೆದ ೨೦ ವರ್ಷಗಳಿಂದ, ಅಂದರೆ ೨೦೦೪ ನೇ ವರ್ಷದಿಂದ ಅವರು ಸನಾತನದ ಮಾಧ್ಯಮದಿಂದ ಸಾಧನೆ ಮಾಡುತ್ತಿದ್ದಾರೆ. ಅವರಲ್ಲಿ ‘ಆಜ್ಞಾಪಾಲನೆ’ ಈ ಮಹತ್ವದ ಗುಣವಿರುವುದರಿಂದ ಸತ್ಸಂಗದಲ್ಲಿ ಏನೆಲ್ಲ ಹೇಳಿದರೋ ಅದನ್ನೆಲ್ಲವನ್ನು ಅವರು ಕೃತಿಯಲ್ಲಿ ತರಲು ಪ್ರಯತ್ನಿಸಿದರು. ಸತ್ಸಂಗದಲ್ಲಿ ಹೇಳಿದಂತೆ ‘ಶ್ರೀ ಗುರುದೇವ ದತ್ತ |’ ಈ ನಾಮಜಪ ಮಾಡಿದ್ದರಿಂದ ಅವರಿಗೆ ತುಂಬ ಲಾಭವಾಯಿತು. ಶ್ರೀಮತಿ ಕಮಲಮ್ಮ ಇವರು ಸಾಧಕರನ್ನು ತುಂಬ ಪ್ರೀತಿಸು ತ್ತಾರೆ, ಅವರು ಸಾಧಕರಿಗಾಗಿ ಎಷ್ಟೇ ಕಷ್ಟಗಳನ್ನು ಸಹಿಸಲು ಸಿದ್ಧರಿರುತ್ತಾರೆ. ಅವರಿಗೆ ತಮ್ಮ ಕುಟುಂಬಕ್ಕಿಂತ ಸಾಧಕ-ಕುಟುಂಬವು ಹೆಚ್ಚು ತಮ್ಮದೆಂದು ಅನಿಸುತ್ತದೆ. ಶ್ರೀಮತಿ ಕಮಲಮ್ಮ ‘ತಳಮಳ’ ಈ ಗುಣದ ಸಾಕಾರ ಮೂರ್ತಿಯಾಗಿದ್ದಾರೆ. ಸನಾತನವು ಪ್ರಕಾಶಿಸಿದ ಗ್ರಂಥಗಳು ಸಮಾಜಕ್ಕೆ ತಲುಪಿಸಬೇಕೆಂದು ಅವರು ತಳಮಳದಿಂದ ಪ್ರಯತ್ನಿಸು ತ್ತಾರೆ. ಸಾಧನೆಯಿಂದ ತಮಗೆ ಲಾಭವಾದಂತೆ ಇತರರಿಗೂ ಲಾಭವಾಗಬೇಕೆಂದು ಅವರು ತಮ್ಮನ್ನು ಭೇಟಿಯಾದ ವ್ಯಕ್ತಿಗಳಿಗೆ ಸಾಧನೆಯ ಬಗ್ಗೆ ಮಾಹಿತಿ ಹೇಳುತ್ತಾರೆ. ಈ ರೀತಿಯಲ್ಲಿ ಅವರು ಅಧ್ಯಾತ್ಮಪ್ರಸಾರ ಮಾಡುವ ಪ್ರತಿಯೊಂದು ಅವಕಾಶದ ಲಾಭ ಪಡೆದುಕೊಳ್ಳುತ್ತಾರೆ. ‘ಸದ್ಯ ಅನಾರೋಗ್ಯದಿಂದಾಗಿ ಅವರಿಗೆ ಸೇವೆ ಮಾಡಲು ಆಗುತ್ತಿಲ್ಲ, ಎಂಬ ಬಗ್ಗೆ ಅವರಿಗೆ ಬೇಸರವಾಗುತ್ತದೆ. ಮನೆಯಲ್ಲಿ ಸಾಧನೆಗಾಗಿ ಪೂರಕ ವಾತಾರಣ ಇಲ್ಲದಿದ್ದರೂ ‘ತಳಮಳ, ಅಂತರ್ಮನದ ಸಾಧನೆ ಮತ್ತು ದೇವರ ಬಗ್ಗೆ ಸಮರ್ಪಿತ ಭಾವ’ ಈ ಗುಣಗಳಿಂದಾಗಿ ಕಮಲಮ್ಮ ಇವರ ಆಧ್ಯಾತ್ಮಿಕ ಉನ್ನತಿಯಾಗುತ್ತಿದೆ. ೨೦೧೪ ನೇ ಇಸವಿಯಲ್ಲಿ ಅವರು ಶೇ. ೬೧ ರಷ್ಟು ಆಧ್ಯಾತ್ಮಿಕ ಮಟ್ಟ ತಲುಪಿದ್ದರು. ೨೦೨೪ ರ ಗುರುಪೂರ್ಣಿಮೆಯಲ್ಲಿ ಅವರ ಆಧ್ಯಾತ್ಮಿಕ ಮಟ್ಟ ಶೇ. ೬೯ ರಷ್ಟಿತ್ತು. ಇಂದಿನ ಶುಭದಿನದಂದು ಶೇ. ೭೧ ರಷ್ಟು ಆಧ್ಯಾತ್ಮಿಕ ಮಟ್ಟ ತಲುಪಿ ಅವರು ‘ವ್ಯಷ್ಟಿ ಸಂತ’ರೆಂದು ಸನಾತನದ ೧೩೦ ನೇ ಸಂತಪದವಿಯಲ್ಲಿ ವಿರಾಜಮಾನರಾಗಿದ್ದಾರೆ. ‘ಪೂ. ಕಮಲಮ್ಮ ಇವರ ಮುಂದಿನ ಆಧ್ಯಾತ್ಮಿಕ ಉನ್ನತಿಯೂ ಶೀಘ್ರ ಗತಿಯಲ್ಲಿ ಆಗುವುದು’ ಎಂದು ನನಗೆ ಖಾತ್ರಿ ಇದೆ.

– ಸಚ್ಚಿದಾನಂದ ಪರಬ್ರಹ್ಮ ಡಾ, ಆಠವಲೆ (೮.೪.೨೦೨೪)

‘ವಾತ್ಸಲ್ಯಭಾವವಿರುವ ಮತ್ತು ದೇವರ ಅಸ್ತಿತ್ವವನ್ನು ಸತತ ಅನುಭವಿಸುವ’ ಮಂಗಳೂರು (ದಕ್ಷಿಣ ಕನ್ನಡ ಜಿಲ್ಲೆ) ಇಲ್ಲಿನ ಪೂಜ್ಯ ಸೌ. ಶಶಿಕಲಾ ಕಿಣಿ (ವಯಸ್ಸು ೭೭ ವರ್ಷ)

‘ಕಳೆದ ೨೫ ವರ್ಷಗಳಿಂದ, ಅಂದರೆ ೧೯೯೯ ನೇ ವರ್ಷದಿಂದ ಮಂಗಳೂರಿನ ಸೌ. ಶಶಿಕಲಾ ಕಿಣಿ ಇವರು ಸನಾತನ ಸಂಸ್ಥೆಯ ಮಾಧ್ಯಮದಿಂದ ಸಾಧನೆ ಮಾಡುತ್ತಿದ್ದಾರೆ. ಅವರಿಗೆ ಬಾಲ್ಯದಿಂದಲೇ ಪ್ರಭು ಶ್ರೀರಾಮನ ಮೇಲೆ ಅಪಾರ ಶ್ರದ್ಧೆ ಇತ್ತು. ಹಾಗಾಗಿ ಅವರು ರಾಮನಾಮವನ್ನು ಬರೆಯುತ್ತಿದ್ದರು ಮತ್ತು ಶ್ರೀರಾಮನ ನಾಮಜಪವನ್ನೂ ಮಾಡುತ್ತಿದ್ದರು, ವಿವಾಹದ ನಂತರ ಕರ್ಮಕಾಂಡಾನುಸಾರ ಸಾಧನೆ ಮಾಡುವಾಗ ಅವರು ಮಂಗಳೂರಿನಲ್ಲಿ ಸನಾತನ ಸಂಸ್ಥೆಯ ಪ್ರವಚನವನ್ನು ಕೇಳಿದರು ಮತ್ತು ಅವರು ನಿಯಮಿತ ಸತ್ಸಂಗಕ್ಕೆ ಹೋಗತೊಡಗಿದರು. ಅನಂತರ ಅವರು ಒಂದೂ ಸತ್ಸಂಗವನ್ನು ತಪ್ಪಿಸಲಿಲ್ಲ. ಸತ್ಸಂಗದಲ್ಲಿ ಹೇಳಿದ ಎಲ್ಲ ಪ್ರಯತ್ನಗಳನ್ನು ಅವರು ಆಚರಣೆಯಲ್ಲಿ ತರಲು ಪ್ರಯತ್ನಿಸತೊಡಗಿದರು. ಅನಂತರ ಅವರ ಮನಸ್ಸಿನಲ್ಲಿ ಸೇವೆಯ ಆಸಕ್ತಿಯೂ ನಿರ್ಮಾಣವಾಗತೊಡಗಿತು. ಸದ್ಯ ಶಾರೀರಿಕ ತೊಂದರೆಯಿಂದಾಗಿ ಅವರಿಗೆ ಸೇವೆ ಮಾಡಲು ಆಗುತ್ತಿಲ್ಲ. ಅದರ ಬಗ್ಗೆ ಅವರಿಗೆ ತುಂಬ ಖೇದ ಅನಿಸುತ್ತದೆ, ಸೌ. ಕಿಣಿಯವರಿಗೆ ಎಲ್ಲ ಸಾಧಕರ ಬಗ್ಗೆ ತುಂಬ ಪ್ರೀತಿ ಅನಿಸುತ್ತದೆ. ‘ಸನಾತನದ ಎಲ್ಲ ಸಾಧಕರು ನನ್ನ ಮಕ್ಕಳಿದ್ದಾರೆ’, ಎಂಬ ವಾತ್ಸಲ್ಯಭಾವ ಅವರ ಮನಸ್ಸಿನಲ್ಲಿರುತ್ತದೆ, ಈ ಭಾವದಿಂದಾಗಿ ಅವರು ಸಾಧಕರ ಬಗ್ಗೆ ಮನಃಪೂರ್ವಕವಾಗಿ ಕಾಳಜಿ ವಹಿಸುತ್ತಾರೆ. ಸೌ. ಕಿಣಿಯವರು ಸತತ ದೇವರ ಅನುಸಂಧಾನದಲ್ಲಿರುತ್ತಾರೆ. ಅವರಿಗೆ ಹೆಜ್ಜೆ ಹೆಜ್ಜೆಗೂ ಭಗವಾನ ಶ್ರೀಕೃಷ್ಣನ ಅಸ್ತಿತ್ವದ ಅರಿವಾಗುತ್ತದೆ ಮತ್ತು ‘ಶ್ರೀಕೃಷ್ಣನು ತಮ್ಮೊಂದಿಗೆ ಇದ್ದಾನೆ’, ಎಂಬ ಅನುಭೂತಿ ಬರುತ್ತದೆ. ಸೌ. ಕಿಣಿ ಇವರು ೨೦೧೫ ನೇ ಇಸವಿಯಲ್ಲಿ ಶೇ, ೬೧ ರಷ್ಟು ಆಧ್ಯಾತ್ಮಿಕ ಮಟ್ಟ ತಲುಪಿದರು. ೨೦೨೪ ರ ಗುರುಪೂರ್ಣಿಮೆ ಯಲ್ಲಿ ಅವರ ಆಧ್ಯಾತ್ಮಿಕ ಮಟ್ಟ ಶೇ. ೬೯ ರಷ್ಟಿತ್ತು. ಇಂದಿನ ಶುಭದಿನದಂದು ಶೇ. ೭೧ ರಷ್ಟು ಆಧ್ಯಾತ್ಮಿಕ ಮಟ್ಟ ತಲುಪಿ ಅವರು ‘ವ್ಯಷ್ಟಿ ಸಂತ’ರೆಂದು ಸನಾತನದ ೧೩೧ ನೇ ಸಂತಪದವಿಯಲ್ಲಿ ವಿರಾಜಮಾನರಾಗಿದ್ದಾರೆ. ‘ಪೂ. (ಸೌ.) ಶಶಿಕಲಾ ಕಿಣಿ ಇವರ ಮುಂದಿನ ಆಧ್ಯಾತ್ಮಿಕ ಉನ್ನತಿಯೂ ಶೀಘ್ರ ಗತಿಯಲ್ಲಿ ಆಗುವುದು’ ಎಂದು ನನಗೆ ಖಾತ್ರಿ ಇದೆ.

– ಸಚ್ಚಿದಾನಂದ ಪರಬ್ರಹ್ಮ ಡಾ, ಆಠವಲೆ (೮.೪.೨೦೨೪)

ಗಮನಾರ್ಹ ಅಂಶಗಳು

• ಶ್ರೀವಿಷ್ಣುಮೂರ್ತಿ ದೇವಸ್ಥಾನದ ಆಡಳಿತ ಮೊಕ್ತೇಸರರನ್ನು ಈ ಸಮಯದಲ್ಲಿ ಪೂ. ರಮಾನಂದ ಗೌಡ ಇವರ ಹಸ್ತದಿಂದ ಸತ್ಕರಿಸಲಾಯಿತು. ಸಭಾಗೃಹವನ್ನು ಹೂವು, ರಂಗೋಲಿಗಳಿಂದ ಶೃಂಗರಿಸಲಾಗಿತ್ತು.
• ಈ ಸಮಯದಲ್ಲಿ ಸನಾತನ ಸಂಸ್ಥೆಯ ಸಂತರಾದ ಪೂ. ವಿನಾಯಕ ಕರ್ವೆ, ಪೂ. ಶ್ರೀಮತಿ ರಾಧಾ ಪ್ರಭು ಹಾಗೂ ಮೊದಲ ಬಾಲಕಸಂತ ಪೂ. ಭಾರ್ಗವರಾಮ ಪ್ರಭು ಇವರು ಉಪಸ್ಥಿತರಿದ್ದರು.
• ಸಭಾಗೃಹದ ವಾತಾವರಣವು ಅತ್ಯಂತ ಚೈತನ್ಯಮಯವಾಗಿತ್ತು.