સપ્તમ અખિલ ભારતીય હિંદૂ અધિવેશનમાં માન્યવરોએ વ્યક્ત કરેલા વિચાર

ધર્મનિરપેક્ષ લોકશાહી ધરાવતો જગત્માંનો એકમાત્ર દેશ ભારત !
– પ્રા. રામેશ્વર મિશ્ર, માજી નિર્દેશક, ધર્મપાલ શોધ પીઠ, ભોપાળ, મધ્યપ્રદેશ

યુરોપમાં કોઈપણ રાષ્ટ્ર નિધર્મી નથી, જ્યારે પ્રત્યેક દેશનો એક સ્વતંત્ર ધર્મ છે. યુરોપમાં ધર્મનિરપેક્ષ લોકશાહી હોવાને બદલે ચર્ચમાં અંકિત રહેલા શાસકોનું રાજ્ય છે. ત્યાંની ન્યાયવ્યવસ્થા, શિક્ષણવ્યવસ્થા પર પણ ચર્ચ-વ્યવસ્થાનો પ્રભાવ છે. માત્ર ભારત દેશ જ એવો છે કે, જે ધર્મનિરપેક્ષ (સેક્યુલર) લોકશાહી ધરાવે છે. ભારતમાં લોકશાહી છે અને કોઈપણ સ્વતંત્ર શાસક નથી. રાષ્ટ્રપતિ, વડાપ્રધાન આ લોકો કેવળ અંગ્રેજોએ છોડી દીધેલી અને તેમણે નિર્માણ કરેલી વ્યવસ્થાના પ્રતિનિધિઓ છે. લોકશાહી એટલે ભલે જનતાનું રાજ્ય કહેવાતું હોય, છતાં પણ ભારત ખાતેની લોકશાહીમાં લોકોને કેવળ મતદાન કરવાનો અધિકાર છે, રાજ્ય કરવાનો નહીં. બંધારણના હિંદી-ભાષી અધિકૃત દસ્તાવેજમાં ‘સેક્યુલર’ એટલે ‘ધર્મનિરપેક્ષ’ એવો અર્થ હોવાને બદલે ‘પંથનિરપેક્ષ’ એવો અર્થ છે. તેને કારણે પંથનિરપેક્ષતા દૂર કરીને ધર્માધિષ્ઠિત હિંદુ રાષ્ટ્રની સ્થાપના કરવી જોઈએ. તે સ્થાપના કરવાના હેતુથી ધર્મનિષ્ઠ હિંદુઓને સંગઠિત કરીને ભ્રષ્ટ અને અત્યાચારીઓને દંડિત કરવાની આવશ્યકતા છે.

સલમાન ખાન, આમીર ખાન ઇત્યાદિ કલાકારો અને દૂરચિત્રવાણી પર બોલનારા મુસલમાન
નેતાઓ છદ્મી મુસલમાન ! – પ્રા. કુસુમલતા કેડિયા, માજી નિર્દેશક, હિંદુ વિદ્યા કેંદ્ર, વારાણસી, ઉત્તરપ્રદેશ

સંગીત, નૃત્ય, નશો, ચિત્ર, છાયાચિત્ર, મૂર્તિ એવી બાબતો ઇસ્લામમાં પ્રતિબંધિત છે. ઇસ્લામે નિષેધ કરેલી બાબતો કરનારને શરિયત કાયદા અનુસાર કઠોર શિક્ષા કરવામાં આવે છે. તેમ છતાં પણ સલમાન ખાન, આમીર ખાન ઇત્યાદિ કલાકારો ચલચિત્રોમાં કામ કરે છે, મુસલમાન રાજકીય નેતાઓ દૂરચિત્રવાણી પર બોલે છે ! છાયાચિત્ર પાડવા માટે પ્રતિબંધ હોવાથી, આ બધા તો ઇસ્લામનું ઉલ્લંઘન જ કરી રહ્યા છે. આવા લોકોને મુસલમાન કેવી રીતે કહી શકાય ? આ તો ઢોંગી મુસલમાનો છે. તેઓ પૈગંબરે આપેલી શિખામણની ઠેકડી ઉડાડી રહ્યા છે. આજના મુસલમાનો પોતાને કટ્ટરતાવાદી ભલે માનતા હોય અને નાની-નાની વાતોમાં ઇસ્લામનું અપમાન થયું હોવાનો હોબાળો ભલે મચાવતા હોય, તેમ છતાં પ્રત્યક્ષમાં મુસલમાનોને શરિયતમાં ગુના માટે આપવામાં આવનારી શિક્ષા માન્ય કરનારા અને ઇસ્લામમાં પ્રતિબંધિત બાબતો ન કરનારા મુસલમાનોની ગણતરી કરીએ, તો તે પ્રમાણ નગણ્ય છે. તેને કારણે દેશ સામે ખરું સંકટ આવા ઢોંગી મુસલમાનોનું જ છે.
——————————

હિંદુઓએ સંગઠિત રહીને ઊભા રહેવું જોઈએ !
– સાધ્વી રેખાબેન, પૂ. સંતશ્રી આસારામજી આશ્રમ, ગુજરાત.

આપણા દેશમાં સંતોને પહેલેથી જ કલંકિત કરવામાં આવે છે; પણ સંતોની સંસ્કૃતિ મક્કમ છે અને તે ક્રમણ કરી રહી છે. સંતો પર થયેલા અત્યાચાર થોભવવા માટે આપણે હિંદુઓ જાગૃત થઈને સંગઠિત રહીને ઊભા થઈએ અને ક્રમણ કરીએ, એવું આવાહન સાબરમતી (ગુજરાત) ખાતેના પૂજ્યપાદ સંતશ્રી આસારામજી આશ્રમનાં ધર્મપ્રસારક સાધ્વી રેખાબેને કર્યું.